Bu şəxslər sürücülük vəsiqəsini pulsuz ala biləcəklər

25 aprel 2022-ci il tarixindən etibarən sürücülük vəsiqəsi almaq üçün real yol şəraitində imtahandan keçmək məcburi xarakter alacaq.

InterPress.ge xəbər verir ki, "AM" kateqoriyalı nəqliyyat vasitələrini idarə edən şəxslər mopedləri və yüngül kvadrosiklləri idarə edə biləcəklər.

Moped idarə etmək üçün minimum yaş həddi 16-dır.

Yaşı 18-dən az olan şəxslər və sosial cəhətdən həssas qruplar sürücülük imtahanının xidmət haqqından azad olunacaqlar. Bundan əlavə, AM kateqoriyalı nəqliyyat vasitəsini idarə etmək üçün nəzəri imtahana girən fiziki şəxslər bir dəfəyə məxsus bu xidmət haqqından azad olunacaqlar.