Gürcüstan beynəlxalq aviareyslərə qadağanın müddətini uzatdı

Gürcüstanda beynəlxalq müntəzəm aviareyslərə qoyulan məhdudiyyətlərin müddəti iyunun 30-dək uzadılıb.

InterPress.ge xəbər verir ki, bu barədə ölkənin Mülki Aviasiya Agentliyindən bildirilib.

Gürcüstana müntəzəm uçuşlar həyata keçirən aviaşirkətlər qərar barədə artıq məlumatlandırılıb.

Məhdudiyyətlər yük daşımalarına şamil olunmur.

Qeyd edək ki, bundan öncə məhdudiyyətlər mayın 22-dək uzadılmışdı.(report)