Son sutkada kovidə yoluxanların sayı açıqlandı

Gürcüstanda yeni növ koronavirusa (COVID-19) son 24 saat ərzində 3 201 yeni yoluxma halı qeydə alınıb.

InterPress.ge xəbər verir ki, bu barədə məlumatı Milli Xəstəliklərə Nəzarət Mərkəzi yayıb.

Bununla da ölkədə virusa yoluxanların ümumi sayı 822 383 nəfərə çatıb.

Sağalanların sayına gəldikdə isə, ölkədə son 24 saat ərzində 4 098 sağalma qeydə alınaraq ümumi sağalanların sayı 763 755 nəfər təşkil edib.

Eyni zamanda bildirilir ki, bu gün koronavirusdan daha 64 nəfər ölüb və ölənlərin ümumi sayı 11 679 nəfər təşkil edib.