Rusiya işğalçı qüvvələri dörd Gürcüstan vətəndaşını qanunsuz olaraq saxlayıb

Rusiya işğalçı qüvvələri Qori bələdiyyəsinin Adzvi kəndi yaxınlığında dörd Gürcüstan vətəndaşını qanunsuz olaraq saxlayıb.

InterPress.ge xəbər verir ki, bu barədə DTX-dən məlumat verilib.

DTX-dən verilən məlumata görə, Dövlət Təhlükəsizliyi Xidməti Avropa İttifaqının Monitorinq Missiyası vasitəsilə fəaliyyət göstərən “qaynar xətt”i aktivləşdirib.

DTX məlumatın dərhal Cenevrə müzakirələrinin həmsədrlərinə çatdırıldığını bildirib.

“Gürcüstanın mərkəzi hökuməti qanunsuz həbs edilmiş Gürcüstan vətəndaşlarını azad etmək üçün əlində olan bütün mexanizmlərdən istifadə edir. İşğal olunmuş rayonlarda və işğal xətti boyunca həyata keçirilən dağıdıcı hərəkətlərə görə tam məsuliyyəti Rusiya işğalçı qüvvələri daşıyır. Qeyri-qanuni həbslərin zərərli praktikası yerlərdə təhlükəsizlik mühitini əhəmiyyətli dərəcədə pisləşdirir və regionun sabitliyini təhdid edir”, - bəyanatda deyilir.