1995-99-cu illərin lari əskinaslarının tədavül müddəti 1 yanvarda başa çatdı

1995-99-cu illərin lari əskinaslarının tədavül müddəti 2022-ci ildən başa çatıb.

InterPress.ge xəbər verir ki, bu barədə Gürcüstan Milli Bankının yaydığı məlumatda deyilir.

"Xatırlatmaq istərdik ki, Gürcüstan Milli Bankının qərarına əsasən, 2022-ci il yanvarın 1-dən 1995 və 1999-cu il tarixli lari əskinasları ödəniş vasitəsi kimi istifadə olunmayacaq.

2002-ci ildən dövriyyəyə buraxılmış bütün lari nominallı əskinaslar ölkə ərazisində qanuni ödəniş vasitəsidir və bütün hüquqi və fiziki şəxslər bu əskinasları problemsiz qəbul edib ödəniş edə bilər. Eyni zamanda, 1995-99-cu illərdə buraxılmış əskinaslar Gürcüstan Milli Bankının kassa mərkəzində dəyişdirilə bilər”, - məlumatda deyilir.