Marneulidə bıçaqlanma hadisəsi ilə bağlı istintaq başlayıb - DİN-dən açıqlama 

Faktla bağlı Gürcüstan Cinayət Məcəlləsinin 117-ci maddəsi ilə istintaq aparılır.

InterPress.ge xəbər verir ki, bu barədə Gürcüstan Daxili İşlər Nazirliyindən məlumat verilib.

Belə ki, həmin maddə sağlamlığa qəsdən ağır zərər vurulmasını nəzərdə tutur.

Xatırladaq ki, Marneulidə, Rustaveli küçəsində yerləşən ət mağazasında gənc oğlan bıçaqlanıb.

Hadisə yerinə polis və təcili tibbi yardım briqadası cəlb olunub. Xəsarət alan gənc təcili tibbi yardım briqadası tərəfindən xəstəxanaya aparılıb.