Avropa Parlamentinin prezidenti vəfat etdi

Avropa Parlamentinin sədri David Sassoli İtaliyada xəstəxanaya yerləşdirildikdən sonra vəfat edib.

InterPress.ge xəbər verir ki, bu barədə Reuters məlumat yayır.

“Reuters”in paylaşdığı məlumata görə, 65 yaşlı David Sassoli immun sistemində yaranan “ciddi ağırlaşma” səbəbindən dekabrın 26-da xəstəxanaya yerləşdirilib.

Səhhətindəki problemlərə görə o, son həftələrdə Strasburqda parlament iclaslarına sədrlik edə bilməyib və sentyabrda Avropa Komissiyası prezidentinin illik müraciətini buraxıb.

İtaliyalı sosialist və keçmiş jurnalist, Florensiyalı David Sassoli 2019-cu ildən Avropa Parlamentinin sədri olub. Reuters agentliyinin yaydığı məlumata görə, onun səlahiyyət müddəti bu ayın sonunda başa çatırdı.