Sosial Xidmət Agentliyinin əməkdaşları Səhiyyə Nazirliyinin qarşısında aksiya keçirdi

Sosial Xidmətlər Agentliyinin əməkdaşları Gürcüstan Səhiyyə Nazirliyinin qarşısında aksiya keçiriblər. Aksiya iştirakçılarının sözlərinə görə, onlar layiqli maaş tələb edirlər və nazirlik tərəfindən maaşların 60% artırılması yetərli deyil. 

InterPress.ge xəbər verir ki, etirazçıların əsas tələbi səhiyyə naziri ilə görüşdür.

Etirazçılar əllərində “Layiqli maaş tələb edirik”, “Biz qul deyilik” və s. yazılı plakatlar tutublar.

Aksiya təşkilatçılarından Davit Umsaraşvilinin sözlərinə görə, onların tələblərinə maaş artımı ilə yanaşı, yol xərclərinin ödənilməsi, sığorta paketinin hazırlanması və indiyədək yerinə yetirilməyən müqavilə müddətinin müəyyən edilməsidir.

“Biz ləyaqəti alçaldan rəftara etiraz edirik, bu, hətta dolanışıq üçün də kifayət deyil. Bu adamların maaşları 60% artırılsa belə, maaşları çox cüzi olduğundan yenə də qəbuledilməzdir. Maaş artımına işçilərin apardığı bu mübarizə səbəb oldu, baxmayaraq ki, mübarizə bütün tələblər yerinə yetirilənə qədər davam edəcək.

İlk növbədə səhiyyə naziri ilə görüşməyi xahiş edirik, digər tələblər hər il inflyasiyanın səviyyəsinə uyğun olaraq əmək haqqına yenidən baxılması, eləcə də yol xərclərinin ödənilməsi, sığorta paketinin hazırlanması və müqavilə müddətinin müəyyən edilməsidir. Ona görə də kimsə bizim tələblərimizin yerinə yetirildiyini deyəndə, bu, düzgün qiymətləndirmə deyil”, - deyə Davit Umsaraşvili bildirib.