Kiyevdə komendant saatının vaxtı dəyişdi

Kiyevdə “komendant saatı”nın başlama vaxtı dəyişib. Bu gündən saat 17:00-da başlayacaq və səhər 8-ə kimi davam edəcək. 

InterPress.ge xəbər verir ki, bu barədə məlumatı paytaxtın meri Vitali Kliçko yayıb.

O, həmçinin bildirib ki, “komendant saatı” fevralın 28-i səhərə qədər bu rejimdə fəaliyyət göstərəcək.

“Komendant saatı zamanı çöldə olacaq bütün mülki şəxslər düşmənin təxribat-kəşfiyyat qrupunun üzvləri hesab olunacaqlar. Xahiş edirəm, vəziyyəti anlayın və çölə çıxmayın", - Kliçko bildirib.

Paytaxt meri dəqiqləşdirib ki, təxribatçı qruplar olsa da, hazırda Kiyevdə Rusiya hərbçiləri yoxdur. Onun sözlərinə görə, şəhərdə blok postları təşkil olunacaq və hərəkət məhdudlaşdırılacaq.