Ukrayna DİN: "Mariupol şəhərində mülki əhalinin təxliyəsi üçün ikinci cəhd uğursuz alınıb"

Ukraynanın Mariupol şəhərində mülki əhalinin təxliyəsi üçün ikinci cəhd uğursuz alınıb.

InterPress.ge xəbər verir ki, bu barədə Ukrayna daxili işlər nazirinin müşaviri Anton Qeraşenko Telegram səhifəsində yazıb.

Əhalinin təxliyəsi üçün ikinci uğursuz cəhd Mariupol Bələdiyyə Şurası tərəfindən də təsdiqlənir.

Onlar bildiriblər ki, Rusiyanın bombardmanı mülki əhalinin münaqişə zonasından təhlükəsiz şəkildə çıxarılmasını mümkünsüz edib.

"Belə şəraitdə insanları təxliyə etmək son dərəcə təhlükəlidir", - onlayn şuranın bəyanatında deyilir.

Xatırladaq ki, KİV-in məlumatına görə, artıq beş gündür şəhərə su, işıq və istilik verilmir. Ərzaq və içməli su da azdır.