Baş nazir: "Polşa Gürcüstanın görkəmli dostu və tərəfdaşıdır"
"Polşa Gürcüstanın görkəmli dostu və tərəfdaşıdır, onunla bir sıra sahələrdə strateji əməkdaşlığımız və sıx əlaqələrimiz var. Biz həm ikitərəfli, həm də çoxtərəfli formatda uğurla əməkdaşlıq edirik və çoxölçülü əlaqələrimizi daha da genişləndirməkdə maraqlıyıq".
InterPress.ge xəbər verir ki, bu barədə Gürcüstanın baş naziri İrakli Ğaribaşvili Polşa Respublikasının baş naziri Mateuş Moravetski ilə birgə keçirdiyi brifinqdə bildirib.
Hökumət başçısının qeyd etdiyinə görə, Gürcüstan Polşanın ölkənin suverenliyi və ərazi bütövlüyünə, Avropa və Avro-Atlantik inteqrasiyasına verdiyi güclü dəstəyi yüksək qiymətləndirir.
“Sizi salamlayıram, hörmətli həmkarım, Gürcüstana ilk səfərini edən Polşanın Baş naziri cənab Mateuş Moravetskini salamlayıram. Polşa Gürcüstanın görkəmli dostu və tərəfdaşıdır, onunla bir sıra sahələrdə strateji əməkdaşlığımız və sıx əlaqələrimiz var. Biz həm ikitərəfli, həm də çoxtərəfli formatlarda uğurla əməkdaşlıq edirik və çoxölçülü əlaqələrimizi daha da genişləndirməkdə maraqlıyıq və buna həvəsliyik. Biz Polşanın ölkəmizin suverenliyi və ərazi bütövlüyünə, Avropa və Avro-Atlantik inteqrasiyamıza verdiyi güclü dəstəyi yüksək qiymətləndiririk. Xalqlarımızın ümumi tarixində azadlıq mübarizəsində həmrəylik və qarşılıqlı dəstək nümunələri çoxdur. Gürcüstan və Polşa həmişə çətin anlarda yan-yana olublar. Biz gürcülər 2008-ci ilin avqustunda Avropa liderləri ilə Tbilisiyə gələn, Rusiya Federasiyası ilə genişmiqyaslı müharibə aparanda xalqımızın yanında olan prezident Lex Kaçinskinin qəhrəmancasına davranışını heç vaxt unutmayacağıq. O, Avropa liderlərinin gətirilməsini təşkil etdi, Avropa liderlərini şəxsən Tbilisiyə gətirdi ki, xalqımızın yanında olsunlar. Hər bir gürcü bunu çox yüksək qiymətləndirir, biz bunu xatırlayırıq və buna görə minnətdarıq", - baş nazir bildirib.
