Volodimir Zelenski: "Ukraynada müharibə dünyanın bir çox regionunda aclığa səbəb ola bilər"

Ukraynada müharibə dünyanın bir çox regionunda aclığa səbəb ola bilər. 

lnterPress.ge xəbər verir ki, bu barədə Ukrayna prezidenti Volodimir Zelenski bildirib.

“Qabaqda real problemlər var. Ukrayna dünyanın ən mühüm ərzaq ixracatçılarından biridir. Ölkəmizin buğda, bitki yağı, qarğıdalı və digər kənd təsərrüfatı məhsulları dünyanın müxtəlif regionlarında bir çox ölkələrin sabitliyinin və daxili təhlükəsizliyinin əsasını təşkil edir”,- Zelenski qeyd edib.

Onun sözlərinə görə Rusiya qoşunları Ukraynada mədən sahələrində əkin üçün lazım olan kənd təsərrüfatı texnikasını və yanacaq ehtiyatlarını məhv edir.

“Ölkəmizdə kifayət qədər ərzaq olacaq, lakin Ukraynadan ixracın olmaması bir çox ölkəyə zərər verəcək. Ərzaq qıtlığının qarşısını almaq üçün hər birimiz birlikdə çalışmalıyıq. Rusiyaya qarşı sanksiyalar yalnız bir şeyə yönəlib – Rusiya sülh axtarışına başlamalıdır”,- deyə Ukrayna prezidenti bildirib.