Rəcəb Tayyib Ərdoğan Vladimir Zelenski ilə telefonla danışıb

Türkiyə prezidenti Rəcəb Tayyib Ərdoğan Vladimir Zelenski ilə telefonla danışıb.  

InterPress.ge xəbər verir ki, bu barədə Ərdoğanın mətbuat xidmətindən bildirilib.

Məlumata görə, iki ölkə liderləri İstanbulda keçirilən danışıqları müzakirə ediblər.

Ərdoğan danışıqların Ukrayna münaqişəsinin həllində mühüm addım olduğunu vurğulayıb.  O, növbəti dəfə Rusiya və Ukrayna prezidentlərinin görüşünün Türkiyədə keçirilməsini təklif edib.

Ukrayna prezidenti Vladimir Zelenski isə bildirib ki, Ərdoğanla barışıq üçün atılacaq addımları müzakirə ediblər.

O, həmçinin vurğulayıb ki, Türkiyəyə Ukraynanın təhlükəsizliyinin təminatçısı olmağa hazır olduğuna görə təşəkkür edir.