ABŞ Ukraynaya silah və texnika göndərəcək

Ağ Ev Ukraynaya artilleriya, sursat, radarlar və digər avadanlıqların daxil olduğu yeni təhlükəsizlik yardımı paketini elan edib. 

InterPress.ge xəbər verir ki, bu barədə məlumatı Qərb mətbuatı yayıb.

“Birləşmiş Ştatlar öz ölkəsini Rusiyanın davam edən təcavüzündən qoruyan cəsur Ukrayna xalqını dəstəkləməyə davam edir. Biz silah və texnika göndəririk"- dedi Bayden.

O, Ukraynaya yardımın “demək olar ki, tükəndiyini” deyib və Konqresi “Ukraynanı döyüş meydanında və danışıqlar masası arxasında gücləndirmək” üçün təklif etdiyi 33 milyard dollarlıq yardım paketini təsdiqləməyə çağırıb.