Milli Enerji və Su Tənzimləmə Komissiyasının rəhbəri təbii qaz və elektrik enerjisinin tarifi artacaqmı sualına aydınlıq gətirdi

Təbii qaz və elektrik enerjisi tariflərinin artırılması gözlənilmir.

InterPress.ge xəbər verir ki, bu barədə Gürcüstanın Milli Enerji və Su Tənzimləmə Komissiyasının rəhbəri Davit Narmania məlumat verib.

Narmanianın verdiyi məlumata görə, komissiyanın indiki mərhələdə tarifi artırmağa əsası yoxdur.

“Tənzimləmə komissiyası həm elektrik enerjisinin, həm də təbii qazın tariflərini müəyyən edib. Hazırda bizdə tariflərin artırılması üçün əsas olacaq hər hansı amil yoxdur. Beləliklə, biz həm təbii qaz, həm də enerji sektorunda istehlakçı tariflərini saxlayırıq və bu baxımdan tariflərin artırılması üçün heç bir əsas yoxdur", - Narmania bildirib.