İsrail Qəzza zolağına genişmiqyaslı hava hücumu həyata keçirib – KİV

İsrail ordusu Fələstinin “İslami Cihad”ına cavab olaraq Qəzza zolağına genişmiqyaslı hava hücumları təşkil edib.

InterPress.ge  xəbər verir ki, bu barədə İsrail mətbuatı məlumat yayıb.

 KİV-in məlumatına görə, İsrail hərbi aviasiyasının hədəfləri “İslami Cihad” silah istehsal müəssisələri, anbarlar və raket buraxılış məntəqələridir.

İsrailin müdafiə naziri Benni Qantsın sözlərinə görə, İsrail Qəzzada dinc əhaliyə zərər verməkdə maraqlı deyil, İsraili təhdid edənləri məhv edəcək.

Məlumat üçün bildirək ki, gərginlik İsrailin Qəzza boyunca hədəfləri vurması və Fələstin İslami Cihad hərəkatının komandirini öldürməsindən sonra başlayıb. Onlar qisas alacaqlarını və Təl-Əvivə hücum edəcəklərini bildiriblər.