ABŞ Ukrayna hökumətinə 4,5 milyard dollar ayıracaq

Birləşmiş Ştatlar Ukrayna hökumətinə müharibənin səbəb olduğu büdcə kəsirinin öhdəsindən gəlməyə kömək etmək üçün 4,5 milyard dollar verəcək.

InterPress.ge xəbər verir ki, bu barədə ABŞ Beynəlxalq İnkişaf Agentliyi (USAID) məlumat yayıb.

Onların sözlərinə görə, pul xəstəxanaların, məktəblərin və digər mühüm infrastruktur obyektlərinin qaz və işıqla təmin edilməsinə, vətəndaşlara humanitar yardımların çatdırılmasına dəstək verilməsinə, dövlət qulluqçularının, səhiyyə işçilərinin və müəllimlərin maaşlarının ödənilməsinə sərf olunacaq.

Ukrayna qeyd olunan pulun 3 milyard ABŞ dollarını bu ay alacaq.