Serbiya noyabrdan Rusiyadan neft nəqlini dayandıracaq

2022-ci il noyabr ayının 1-dən Serbiya Avropa İttifaqının tətbiq etdiyi embarqo səbəbindən Rusiya neftinin idxalını dayandıracaq.

InterPress.ge xəbər verir ki, bunu Serbiya Prezidenti Aleksandr Vuçiç bildirib.

Xüsusilə, o, Belqradda keçirilməsi planlaşdırılan “EuroPride” tədbirinin ləğvi ehtimalını şərh edib:

“Biz sadəcə cəfəngiyyatdan danışırıq. Noyabrdan sonra bizim üçün Rusiya nefti olmayacaq, biz sanksiyalar altındayıq. Qaz, mazut və kömür haqqında danışmayaq? Biz sadəcə cəfəngiyyatdan danışırıq, çünki bu, ən asandır”.