Rusiyanın Ukrayna ilə sərhədinə yaxın şəhərdə güclü partlayış baş verib

Rusiyanın Ukrayna sərhədinə yaxın Belqorod şəhərində yarımstansiyada güclü partlayış baş verib.

Nəticədə şəhərdə elektrik enerjisi ilə bağlı problemlər yaranıb.

Yarımstansiyada güclü partlayışın baş verdiyini Belqorodun meri Anton İvanov da təsdiqləyib.

“Enerji təchizatını tam bərpa etmək üçün indi ehtiyat sxemləri işə salınır. Mürəkkəb təmir işləri aparılır. Bütün sosial obyektlər artıq ehtiyat şəbəkəyə qoşulub”, - Belqorodun meri açıqlamasında qeyd edib.