Rusiya-Ukrayna müharibəsində bu qədər jurnalist həyatını itirib

Rusiyanın Ukraynaya genişmiqyaslı müdaxiləsindən sonra 39 jurnalist öldürülüb. 

InterPress.ge xəbər verir ki, bu barədə Ukraynanın mədəniyyət və informasiya siyasəti naziri Aleksandr Tkaçenko Telegramda şəxsi səhifəsində məlumat yayıb.

"Milli Jurnalistlər Birliyinin məlumatına görə, Rusiyanın genişmiqyaslı işğal nəticəsində 39 jurnalist həyatını itirib. Səkkiz illik müharibədə biz daha çox itkilər verdik... Bu gün şəhid olan jurnalistlərin anım günündə qabaqcıl informasiya cəbhəsi döyüşçülərimizin xatirəsini ehtiramla yad edirik. Bu gün jurnalist olmaq həqiqəti dünyaya çatdırmaq üçün öz həyatını qurban verməyə hazır olmaqdır", - Tkaçenko yazıb.

O, həmçinin bütün jurnalistlərə əməklərinə görə təşəkkür edib.