Yaponiya sərhədlərini açır

Yaponiya oktyabrın 11-dən etibarən koronavirus səbəbiylə xarici turistlərə tətbiq etdiyi sərt məhdudiyyətləri qaldıracağını və iki il yarım əvvəl bağlanmış sərhədlərini açacağını açıqlayıb.

InterPress.ge xəbər verir ki, bu barədə Yaponiyanın baş naziri Fumio Kişida bəyan edib.

"11 oktyabrdan etibarən Yaponiya sərhəd nəzarəti tədbirlərini yüngülləşdirərək, onları ABŞ-ınkinə uyğunlaşdıracaq, həmçinin vizasız gediş-gəlişi və fərdi səyahətləri bərpa edəcək", - deyə o söyləyib.

Yaponiya 2020-ci ilin martında məhdudiyyətlər tətbiq edib. Qeyd edək ki, 2019-cu ildə Yaponiyaya rekord sayda 31,9 milyon əcnəbi ziyarətçi gedib.