Ukrayna Baş Kəşfiyyat İdarəsi: "Səfərbər edilmiş ruslar qaynar xəttə zəng edərək necə əsir düşə biləcəklərini soruşurlar"

"Səfərbər olan ruslar Ukrayna Müdafiə Nazirliyinin Baş Kəşfiyyat İdarəsinin qaynar xəttinə zəng edərək necə əsir düşə biləcəklərini soruşurlar".

InterPress.ge xəbər verir ki, bu barədə Ukrayna Müdafiə Nazirliyinin Baş Kəşfiyyat İdarəsinin nümayəndəsi Andrey Yusov bildirib.

"İndi qaynar xəttə yeni səfərbər edilmiş ruslardan və hələ səfərbər olmayanlardan çoxlu zənglər gəlir.  Bizə zəng edib deyirlər: “Səfərbərlik halında, mən necə əsir düşə bilərəm?” – deyə Yusov bildirib.

Onun sözlərinə görə, rusların bu səfərbərlik dalğasının fonunda aşağı motivasiya və müvafiq psixo-emosional vəziyyətləri var.