Ukraynada tərtib edilmiş sanksiya siyahısı üzərində işləyən qrupun üzvü: "Siyahıyada Gürcüstan vətəndaşları, o cümlədən İvanişvili də var, lakin bu o demək deyil ki..."

"Ukraynanın Korrupsiyaya Qarşı Mübarizə üzrə Milli Agentliyinin açıqladığı siyahıda Gürcüstan vətəndaşları, o cümlədən İvanişvili və onunla əlaqəli bir neçə başqa şəxs var, lakin bu, onun və ya onun yaxın ətrafının mütləq şəkildə sanksiyaya məruz qalacağı anlamına gəlmir. Bu, yalnız ilkin fərziyyədir".

InterPress.ge xəbər verir ki, bu barədə Ukraynanın Korrupsiyaya Qarşı Mübarizə üzrə Milli Agentliyinin saytında dərc olunmuş sanksiyalar siyahısının hazırlanmasında iştirak edən qeyri-hökumət təşkilatlarından biri olan Ukraynanın Korrupsiyaya Qarşı Müstəqil Komissiyasının nümayəndəsi Svetlana Musiyaka “İnterpressNews”a eksklüziv açıqlamasında bildirib.

Onun izahatına görə, sanksiyaya məruz qalan şəxslərin yekun siyahısı təsdiqlənənə qədər bir çox hüquqi prosedurlardan keçmək lazımdır ki, bu da yekun siyahının tərkibinin dəyişəcəyi deməkdir.

Bundan əlavə, Svetlana Musiyakanın sözlərinə görə, dünyada 19 minə qədər adam sanksiyaya daxil edilib.

Gürcüstan vətəndaşlarına, o cümlədən Ukraynada tərtib edilmiş sanksiya siyahısına daxil olan keçmiş baş nazir Bidzina İvanişvilinə gəlincə, Svetlana Musiyakanın sözlərinə görə, indiki mərhələdə heç bir Gürcüstan vətəndaşına qarşı sanksiyalar tətbiq edilməyib.