Zelenska: "Düşmən dəli olur, çünki biz qalib gəlirik"
"Ruslar Ukrayna xalqını qorxutmağa çalışırlar, lakin ukraynalılar qorxmur".
InterPress.ge xəbər verir ki, bunu Ukraynanın birinci xanımı Olena Zelenska deyib.
"Rusiya raketləri Ukrayna şəhərlərini kütləvi şəkildə vurur və uşaqlarımız yenidən metroda gizlənməli olurlar. Onlar bizi qorxutmağa və sındırmağa çalışırlar - amma ukraynalılar mahnı oxuyurlar. Həqiqət bizim millətin tərəfindədir. Ukraynalılar qorxmurlar. Düşmən dəli olur, çünki biz qalib gəlirik”, - deyə Ukraynanın birinci xanımı bildirib.
Ukraynanın Fövqəladə Hallar üzrə Dövlət Xidmətinin mətbuat xidmətinin məlumatına görə, dünən Ukrayna şəhərlərinə irimiqyaslı raket hücumu nəticəsində ölənlərin sayı 19-a, yaralıların sayı isə 105-ə çatıb.
Dünən səhər saatlarında Ukrayna rəsmiləri Kiyev, Jitomir, Xmelnitsk, Dnepr, Vinatsa və Ternopolda partlayış səslərinin eşidildiyini bildiriblər.
Rusiya Ukrayna istiqamətində 83 raket atıb. Onlardan 41-i Ukraynanın Hava Hücumundan Müdafiə Sistemi (AD) tərəfindən zərərsizləşdirilib. Bu barədə Ukrayna Silahlı Qüvvələrinin Ali Baş Komandanı, general Valeri Zalujnı bildirib.
