Kiyev İsraildən kömək istəyir

Kiyev İsraildən hava hücumundan müdafiə sistemləri ilə bağlı kömək istəyir. 

InterPress.ge xəbər verir ki, bu barədə Ukraynanın xarici işlər naziri Dmitri Kuleba “Twitter” sosial şəbəkəsində yazıb.

Onun sözlərinə görə, İsrailin baş naziri Yair Lapid ilə telefonla danışıb və hava və raketdən müdafiə sistemləri və texnologiyalar tələbini ətraflı müzakirə edib. 

“Mən İsrailin baş naziri Yair Lapidlə danışdım və ona Rusiya raketləri və İran istehsalı olan dronların səbəb olduğu təsvirolunmaz iztirablar, itkilər və dağıntılar barədə məlumat verdim. Biz İsrailin Ukraynaya hava və raketdən müdafiə sistemləri və texnologiyaları verməsini ətrafı müzakirə etdik”, - Dmitri Kuleba yazıb.