Ağ ev: "Rusiya kommersiya peyklərini vurarsa, ABŞ Moskvaya cavab verəcək"

Ağ Ev bildirir ki, Rusiya kommersiya peyklərini vurarsa, ABŞ Moskvaya cavab verəcək.

InterPress.ge xəbər verir ki, bu barədə Milli Təhlükəsizlik Şurasının nümayəndəsi Con Kirbi açıqlama verib.

Onun sözlərinə görə, ABŞ infrastrukturuna istənilən hücumun ardınca cavab veriləcək. O, həmçinin qeyd edib ki, Rusiyanın peyk əleyhinə texnologiyalara yiyələnməyə çalışdığı barədə ictimaiyyətə açıq məlumatlar var.

Xatırladaq ki, bundan əvvəl Rusiya Xarici İşlər Nazirliyinin nümayəndəsi Konstantin Vorontsov ABŞ və müttəfiqlərinin kosmosda mülki infrastrukturdan, o cümlədən kommersiya peyklərindən silahlı münaqişələrdə istifadə edəcəyini və bu peyklərin qanuni hədəfə çevrilə biləcəyini bildirmişdi.