Rusların Ukraynada 40 minə yaxın hərbi cinayət törətdiyi aşkarlanıb

Hüquq-mühafizə orqanlarının əməkdaşları rusların Ukraynada törətdiyi 40 minə yaxın hərbi cinayəti aşkarlayıblar. 

InterPress.ge xəbər verir ki, bu barədə Ukrayna daxili işlər nazirinin müavini Katerina Pavliçenko bildirib.

"Hüquq-mühafizə orqanları artıq rusların törətdiyi 40 minə yaxın hərbi cinayəti qeydə alıb.

Bu cinayətlər arasında həm də cinsi azadlıq və toxunulmazlığa qarşı cinayətlər, yaxud da, cinsi cinayətlər də var”, - deyə Pavliçenko bildirib.

Onun sözlərinə görə, Rusiya Federasiyası Ukraynanın dinc şəhərlərini hər gün terror edir və soyqırım törədir.