Çinin onlarla şəhəri koronavirusa yoluxma hallarının artması səbəbindən yenidən bağlanıb

Ardıcıl üçüncü gündür ki, Çində 1000-dən çox koronavirus halı qeydə alınıb, nəticədə koronavirusun ilk bildirildiyi Vuhan da daxil olmaqla onlarla şəhər bağlanıb.

InterPress.ge xəbər verir ki, ölkə hələ də Si Cinpinin sıfır kovid siyasətinə tabedir.

Vuhanın rayonlarından birində 800,000-dən çox insana oktyabrın 30-dək evdə özünü təcrid etmək tövsiyə edilib.

Oktyabrın 24-nə olan məlumata görə, ölkə daxilində təxminən 28 şəhər müəyyən məhdudiyyətlər tətbiq edib, nəticədə təqribən 207 milyon insan ziyan görüb. Karantin məhdudiyyətlərinə görə əhali arasında narazılıq artır. Sıfır-kovid siyasəti nəticəsində ölkə iqtisadiyyatı da zərər çəkib - ölkənin ÜDM-i son üç ayda əvvəlki rüblə müqayisədə 2,6% azalıb.