Rusiyada qismən səfərbərlik başa çatdı

Rusiya Müdafiə Nazirliyi qismən səfərbərlik çərçivəsində bütün tədbirlərin başa çatdığını açıqlayıb.  

InterPress.ge xəbər verir ki, bu barədə Rusiya mətbuatı məlumat yayıb.

Bildirilib ki, hərbi komissarlıqların işi gələcəkdə yalnız Rusiya Silahlı Qüvvələrinə könüllülərin və müqaviləli döyüşçülərin qəbulu baxımından davam etdiriləcək.

Bundan əvvəl, keçən həftə Rusiyanın müdafiə naziri Sergey Şoyqu qismən səfərbərliyin başa çatması barədə Vladimir Putinə məlumat vermişdi.

Şoyqunun sözlərinə görə, 218 min nəfər təlim keçir, 82 min nəfər Ukraynaya göndərilib.