Rusiya iqtisadiyyatı sentyabrda 5% azalıb

Bu ilin sentyabr ayında ötən ilin eyni dövrü ilə müqayisədə Rusiya Federasiyasının iqtisadiyyatı 5% azalıb.

InterPress.ge xəbər verir ki, bu barədə Rusiya İqtisadiyyat Nazirliyi məlumat verib.

Məlumata görə, avqust ayında ÜDM-in azalma tempi 4 faiz olub, ilin üçüncü rübündə isə ölkə iqtisadiyyatı 4,4 faiz azalıb.

Ümumilikdə, nazirlik ilin sonuna ÜDM-in 2,9% azalacağını proqnozlaşdırır ki, bu da ilin əvvəlində proqnozlaşdırılan ikirəqəmli iqtisadi artımdan xeyli pisdir, lakin  müharibə başlayandan sonra Avropa Birliyinin və  Dünya Bankının proqnozlaşdırdığı tempdən xeyli yüksəkdir. 

Rəsmi qurumun izahatına görə, iqtisadiyyatın azalmasına səbəb Qərbin tətbiq etdiyi sanksiyalar və külli miqdarda maddi və insan resurslarının xərcləndiyi “qismən səfərbərlik”dir.

Məlumat üçün bildirək ki, ötən ay Rusiya Mərkəzi Bankı pul siyasəti faizini dəyişməyərək 7,5% səviyyəsində saxlamaq qərarına gəlib.

Hazırda Rusiyada illik inflyasiyanın səviyyəsi 12,8% təşkil edir ki, bu da əvvəlki ayın göstəricisindən 0,08% yüksəkdir və mərkəzi bankın 4%-lik hədəfindən xeyli yüksəkdir.

Buna baxmayaraq, İqtisadiyyat Nazirliyinin məlumatına görə, ölkədə istehlak qiymətlərinin artım tempi aşağı düşüb ki, bu da pul siyasətinin tədricən yumşalmasına imkan verir.

Məlumat üçün bildirək ki, Mərkəzi Bank ilin sonuna inflyasiyanın 12%-ə qədər azalacağını proqnozlaşdırır. 2023-cü ilə qədər 5,0-7,0% inflyasiya gözlənilir.