Kiyev meri paytaxt sakinlərini ən pisə hazırlaşmağa çağırıb

Kiyev meri Vitali Kliçko paytaxt sakinlərini ən pisə hazırlaşmağa çağırıb.

InterPress.ge xəbər verir ki, Kliçkonun sözlərinə görə, Rusiya Ukraynanın enerji infrastrukturuna hücumu davam etdirərsə, onlar elektrik, su və ya istilik çatışmazlığına hazırlaşmalıdırlar.

“Bunun qarşısını almaq üçün hər şeyi edirik. Amma düzünü desəm, düşmənlərimiz şəhərin istiliksiz, işıqsız, susuz qalması eləcə də hamımızı öldürmək üçün hər şeyi edirlər. Ölkənin və hər birimizin gələcəyi müxtəlif vəziyyətlərə nə qədər hazır olmağımızdan asılıdır", - Kliçko bildirib.

"The New York Times" qəzetinin yazdığına görə, elektrik enerjisinin tam kəsilməsi halında Kiyev hakimiyyəti paytaxtın 3 milyon sakininin təxliyəsini planlaşdırmağa başlayıb.