"Rusiyanın Xersondan qoşunlarını çıxarmaq qərarı müsbət addımdır" - Ərdoğan

"Rusiyanın Xersondan qoşunlarını çıxarmaq qərarı müsbət addımdır".

InterPress.ge xəbər verir ki, bunu Türkiyə prezidenti Rəcəb Tayyib Ərdoğan deyib. 

Ərdoğan Türkdilli Dövlətlərin Əməkdaşlıq Şurasının sammitində iştirak edəcəyi Özbəkistana yola düşməzdən əvvəl Moskva ilə Kiyev arasında danışıqların perspektivləri ilə bağlı sualı cavablandırıb.

Xatırladaq ki, Rusiyanın müdafiə naziri Sergey Şoyqu Dnepr çayının sağ sahilini və Xerson şəhərini tərk etmək barədə göstəriş verib. Rusiya Silahlı Qüvvələrinin Ukraynadakı rəhbəri Sergey Surovikinin sözlərinə görə, bu qərar vəziyyəti dəyərləndirdikdən sonra qəbul edilib.