Ukrayna tərəfi Luqanskda 12 yaşayış məntəqəsini azad edib

Ukrayna hərbçiləri Luqansk vilayətində Makeevka da daxil olmaqla 12 yaşayış məntəqəsini azad edib.

InterPress.ge xəbər verir ki, Ukrayna mətbuatı bu barədə məlumatı Luqansk Hərbi Administrasiyasının rəhbərinə əsaslanaraq yayıb.

“Artıq rəsmi olaraq Ukrayna silahlı qüvvələri 12 yaşayış məntəqəsini işğalçılardan azad edib. İrəli getmək asan deyil, Luqansk vilayətinin hər metri çox çətindir”, - Qayday qeyd edib.

Onun sözlərinə görə, Makeevka azad edilən 12 yaşayış məntəqəsindən sonuncusu olub ki, bu da Svatovun azad edilməsi istiqamətində atılan addımdır.

Qaydayın sözlərinə görə, Beloqorovka Rusiya qüvvələrinin davamlı bombardmanı və hücumları altındadır.