UNİCEF İran etirazlarında uşaqların öldürülməsini pisləyib

Birləşmiş Millətlər Təşkilatının Uşaq Fondu UNICEF 20 Noyabr Ümumdünya Uşaqlar Günü ərəfəsində hazırladığı hesabatda Yaxın Şərqdə və İranda uşaqlara qarşı zorakılığa toxunub.

InterPress.ge xəbər verir ki, hesabatda bildirilir ki, bu ilin əvvəlindən Orta Şərqdəki qarşıdurmalarda ən azı 580 uşaq ölüb.

"Rəsmi məlumatlara çıxışın olmamasına baxmayaraq, sentyabrın sonundan bəri İranda ümummilli iğtişaşlarda 50-yə yaxın uşaq ölüb. İranda uşaqların öldürülməsi, yaralanması və saxlanılması ilə bağlı xəbərlərdən dərin narahatıq",-deyə UNİCEF-in hesabatında qeyd edilib.

Qeyd edək ki, son məlumatlara görə, İranda davam edən etirazlar zamanı 56-ı uşaq olmaqla 402 nəfər öldürülüb.