AK Rusiyaya qarşı doqquzuncu sanksiyalar paketini təqdim edib

Avropa Komissiyası Rusiyaya qarşı doqquzuncu sanksiyalar paketini təqdim edib. 

InterPress.ge xəbər verir ki, bu paket çərçivəsində daha 200 nəfər, üç bank, dörd telekanal, hərbi sənaye kompleksi şirkətləri qara siyahıya salınacaq.

Avropa Komissiyasının sədri Ursula von der Lyayen çərşənbə günü videomüraciətində bildirib ki, paketə ikili istifadəli dronların və onların komponentlərinin tədarükünə ixrac məhdudiyyətləri də daxildir.

Onun sözlərinə görə, bu sanksiyalar hələ gələn həftə Aİ Şurası tərəfindən təsdiqlənməlidir.

Həmçinin, komissiya sədri bildirib ki, Avropa Komissiyası doqquzuncu sanksiyalar paketi çərçivəsində Ümumrusiya Regional İnkişaf Bankının bütün əməliyyatlarının bloklanmasını təklif edib.