Rusiya və Türkiyə prezidentləri arasında telefon danışığı baş tutub

Rusiya və Türkiyə prezidentləri arasında telefon danışığı olub.

InterPress.ge xəber verir ki, KİV-in məlumatına görə, Vladimir Putin Rəcəb Tayyib Ərdoğanla telefon danışığı zamanı Qərbin Ukraynaya silah tədarük etməsi hərbi əməliyyatları gücləndirdiyini qeyd edib.

Bundan əlavə, Kremlin bəyanatında qeyd edildiyinə görə, Rusiya lideri türkiyəli həmkarına bildirib ki, rəsmi Kiyevin Rusiyanın pravoslav Milad bayramı üçün təklif etdiyi atəşkəs təklifindən imtina etməsi Ukraynanın “ikiüzlü siyasətinin” nümunəsidir.

“Vladimir Putin Kiyev rejiminin Qərb sponsorlarının dəstəyi ilə hərbi əməliyyatları gücləndirməyə əsaslanan destruktiv xəttinə diqqət çəkib”, - Rusiya tərəfinin bəyanatında deyilir.

Kremldə qeyd edildiyinə görə, Türkiyə tərəfinin təşəbbüsü ilə Rusiya və Ukrayna ombudsmanları ilk olaraq yaralı məhbusların mübadiləsi məsələsini həll edəcəklər.