Dneprdə raket hücumu nəticəsində ölənlərin sayı artıb

Yanvarın 14-də Dneprdə Rusiya qüvvələrinin raket hücumu nəticəsində ölənlərin sayı artıb.

InterPress.ge xəbər verir ki, bu barədə Ukrayna mətbuatı yazıb.

Məlumata görə, daha bir azyaşlının meyiti hündürmərtəbəli binanın xarabalıqları altından çıxarılıb.

Son məlumatlara görə, hücumda 4-ü uşaq olmaqla azı 44 nəfər həlak olub. 80-dən çox insan yaralanıb.

Xilasedicilər dağıntılar altından 39 nəfəri sağ çıxara biliblər, axtarışlar davam edir.