Xarkov yenidən bombalandı

Rusiya qüvvələrinin Xarkov vilayətinə hücumu insan tələfatı ilə nəticələnib. 

InterPress.ge xəbər verir ki, bu barədə Xarkov vilayətinin hərbi administrasiyasının rəhbəri Oleq Siniehubov məlumat verib.

Hücum nəticəsində bir qadın ölüb, bir kişi isə yaralanıb.

“Bu gün saat 14:30 radələrində Rusiyanın artilleriyasının Petrivka kəndinə hücumu nəticəsində 67 yaşlı qadın həlak olub. Kənd təsərrüfatı tikililərinə və fərdi yaşayış evinə ziyan dəyib.

Vovçansk şəhəri hələ də rusların hücumu altındadır. Beşmərtəbəli yaşayış binası və fərdi yaşayış evi çoxsaylı raket sistemi ilə vurulub. 49 yaşlı kişi yaralanıb və xəstəxanaya aparılıb”.