WSJ - İrandakı hərbi obyektə İsrail hücum edib

“The Wall Street Journal”ın məlumatına görə, İsrail İranın İsfahan şəhərində yerləşən hərbi obyektə hücum edib. 

InterPress.ge xəbər verir ki, media bu barədə ABŞ-dakı mənbəyə əsaslanaraq məlumat yayıb.

KİV yazır ki, ABŞ və İsrail İranın nüvə və hərbi ambisiyalarını cilovlamaq üçün yeni yollar axtarır.

Reuters-ə danışan Pentaqonun sözçüsü ABŞ-ın hücumda heç bir əli olmadığını bildirib.

İsrail hələ ki, hadisə ilə bağlı rəsmi açıqlama verməyib.

İran Müdafiə Nazirliyinin məlumatına görə, yanvarın 28-də İsfahan şəhərindəki hərbi obyektə pilotsuz uçuş aparatları ilə hücum olub. İranın dövlət mediası hücumun heç bir itkiyə səbəb olmadığını və yalnız binanın damının zədələndiyini bildirir.