İrakli Qaribaşvili Gürcüstanın Xorvatiya Respublikasına yeni təyin olunmuş səfiri ilə görüşüb

Gürcüstanın Baş naziri İrakli Qaribaşvili Gürcüstanın Xorvatiya Respublikasına yeni təyin olunmuş fövqəladə və səlahiyyətli səfiri Zaal Qoqsadze ilə görüşüb.

InterPress.ge xəbər verir ki, baş nazir diplomatı yeni vəzifəsi münasibətilə təbrik edib,ona gələcək fəaliyyətində uğurlar arzulayıb.

Məlumata görə, söhbət zamanı Gürcüstan və Xorvatiya Respublikası arasında ikitərəfli münasibətlərdən, beynəlxalq təşkilatlar çərçivəsində uğurlu əməkdaşlıqdan söhbət açılıb.

Qeyd edək ki, Zaal Qoqsadze Tbilisi Dövlət Universitetini bitirib. Müxtəlif illərdə Xarici İşlər Nazirliyində müxtəlif vəzifələrdə çalışıb, Gürcüstanın İtaliya Respublikasında, Çexiya Respublikasında və Macarıstanda fövqəladə və səlahiyyətli səfiri olub.