Aİ ölkələrinə səyahətlə bağlı yeni qaydanın tətbiqi 2024-cü ilə qədər təxirə salınıb

Avropa İttifaqı "Avropa Səyahət Məlumat və Avtorizasiya Sistemi"nin (ETIAS) tətbiqini 2024-cü ilə qədər təxirə salıb. 

InterPress.ge xəbər verir ki, onun 2023-cü ilin payızında tətbiq edilməsi planlaşdırılırdı.

2024-cü ildən Avropaya səfər edən şəxslər yola düşməzdən əvvəl səyahət icazəsi doldurmalıdırlar. Ərizə getməmişdən əvvəl onlayn şəkildə doldurulmalıdır.

İcazə 3 il və ya pasportun müddəti bitənə qədər etibarlı olacaq. Turistlər üç ildən bir səyahət icazəsi üçün 7 avro ödəməli olacaqlar.

ETIAS Avropada artan terror təhlükəsinə cavab olaraq bütün ziyarətçilər gəlməmişdən əvvəl sərhəd nəzarətini və yoxlamaları gücləndirmək məqsədi ilə tətbiq edilir.