"Avropa Parlamenti bizə dedi ki, Saakaşvili onların agentidir və onlar bizim müstəqilliyimizdə maraqlı deyillər" - Ğaribaşvili

"Avropa Parlamentinin deputatlarını gürcü xalqının fikri, ölkəmizin suverenliyi və müstəqilliyi maraqlandırmır".

InterPress.ge xəbər verir ki, bu sözləri Baş nazir İrakli Ğaribaşvili deyib.

O, Avropa Parlamentinin Gürcüstanın üçüncü prezidenti ilə bağlı tənqidi qətnaməsinə cavab verib.

Ğaribaşvilinin sözlərinə görə, qətnamənin deputatları Mixeil Saakaşvilinin onların “agenti” olduğunu və buna görə də onun azad edilməsini tələb etdiklərini bildiriblər.

“Mən bir neçə həftə əvvəl Avropa Parlamentinin qəbul etdiyi biabırçı qətnaməyə cavab vermək istərdim ki, bu qətnamə ilə bu insanlar gürcü xalqına və bizə faktiki olaraq dedilər ki, bu şəxs, cənab Saakaşvili onların agentidir, onların xidmətçisidir, sadəcə olaraq, onlar gürcü xalqının fikri ilə maraqlanmırlar, onlar maraqlanmır ki, cənab Saakaşvili xalqı soyurdu, işgəncə verirdi, öldürürdü, biznesə terror edirdi, media azadlığı tamamilə boğuldu, media yox idi. Saakaşvili inqilab, qanlı basqınlar təşkil etmək, insanları öldürmək istəyirdi.

Bütün bunlara əhəmiyyət vermirlər, bizə dedilər ki, bütün bunlara baxmayaraq, sizin fikriniz, suverenliyiniz, müstəqilliyiniz bizim üçün heç bir əhəmiyyət kəsb etmir, bu adam bizim qulluqçumuzdu, agentimizdi və həbsdən çıxmalıdır deyirlər. Hər kəsə demək istəyirəm ki, ölkədə siyasətçilərin və hakimiyyətin xarici dövlətlərin maraqlarına xidmət etdiyi dövr arxada qalıb, biz Gürcüstanın maraqlarına xidmət edirik və bunu hamı yaxşı bilməlidir”, – Ğaribaşvili bildirib.