İrakli Ğaribaşvili bu gün yeni təhsil nazirini təqdim edəcək

Gürcüstanın baş naziri İrakli Ğaribaşvili bu gün yeni təhsil və elm nazirini təqdim edəcək.

InterPress.ge xəbər verir ki, bu barədə məlumatı sosial şəbəkədə Gürcüstan hökuməti administrasiyasının strateji kommunikasiyalar şöbəsinin rəhbəri Nino Qiorqobiani yayıb.Hökumət administrasiyasında iclas bu gün saat 14:00-da keçiriləcək.

Təhsil naziri vəzifəsini 2019-cu ildən Mixeil Çxenkeli tutur.

Məlumatlara görə, Qiorqi Amilaxvari təhsil və elm naziri vəzifəsində Mixeil Çxenkelini əvəz edəcək. Amilaxvari 2021-ci ildən Gürcüstan parlamentinin Təhsil və Elm Komitəsinə rəhbərlik edir.