Hökumət ərzaq tədarükü zəncirində alıcılar və təchizatçılar arasındakı münasibətləri tənzimləmək istəyir

Hökumət ərzaq tədarükü zəncirində alıcılar və təchizatçılar arasında mövcud olan danışıqlar gücündəki balanssızlığı aradan qaldırmaq məqsədilə xüsusi qanunvericilik tənzimlənməsi tətbiq etməyi planlaşdırır.

InterPress.ge xəbər verir ki, bu barədə BPN.ge məlumat yayıb.

Yeni qanun layihəsi ilə tamamilə qadağan olunan və müəyyən şərtlərlə yol verilən ticarət təcrübələri, həmçinin qanunun icrasına cavabdeh qurum və məsuliyyət sistemi müəyyən ediləcək. Bu barədə qanunverici orqana təqdim edilmiş 2026-cı ilin payız sessiyası üçün nəzərdə tutulan hökumətin qanunvericilik fəaliyyəti üzrə qısamüddətli planında qeyd olunub.

Müvafiq sənəddə bildirilir ki, ərzaq tədarükü zəncirində danışıqlar gücündə ciddi balanssızlıq mövcuddur. Alıcılar təchizatçılara şərtləri birtərəfli və ədalətsiz şəkildə diktə edirlər. Bunlara ödənişlərin təxirə salınması, sifarişlərin gecikdirilərək ləğv edilməsi, məhsulların rəflərdə yerləşdirilməsi və marketinq xərclərinin təchizatçıların üzərinə qoyulması və digər hallar daxildir. Bunun isə ərzaq tədarükü zəncirinin dayanıqlılığı üçün təhlükə yaratdığı bildirilir.

Sənədə əsasən, tamamilə qadağan olunan və müəyyən şərtlərlə yol verilən ticarət təcrübələrini əhatəli şəkildə müəyyən edən xüsusi qanunvericilik tənzimlənməsinin tətbiqi zəruridir.

Qanun layihəsi, həmçinin qanunun icrasına səlahiyyətli qurumu, onun səlahiyyətlərini və effektiv, proporsional və qabaqlayıcı məsuliyyət sistemini müəyyən edəcək.