İki ay ərzində 22 nəfər suda boğularaq ölüb

İyunun 1-dən iyulun 23-dək ölkə ərazisində 9-u azyaşlı olmaqla 22 nəfər suda boğulub. 

InterPress.ge xəbər verir ki, bu barədə Daxili İşlər Nazirliyinin Fövqəladə Halların İdarə Olunması Xidmətindən məlumat verilib.

Onların məlumatına görə, qeyd olunan müddətdə 2-si azyaşlı olmaqla 3 nəfər dənizdə, 5-i azyaşlı olmaqla 12 nəfər çayda, 1-i azyaşlı olmaqla 6 nəfər göldə, 1-i azyaşlı isə hovuzda boğulub. 

Dənizdə, çayda, göldə, hovuzda xilas edilmiş insanların statistikasına gəlincə, məlumata görə, iyunun 1-dən iyulun 23-dək olan müddətdə 67 nəfər xilas edilib.