Atlantik okeanında miqrantlarla dolu qayıq batıb

Atlantik okeanında, Kabo-Verde sahilləri yaxınlığında miqrantlarla dolu qayıq batıb.

InterPress.ge xəbər verir ki, bu barədə BBC məlumat yayıb.

Mətbuatın məlumatına görə, qəza nəticəsində azı 60 nəfər ölüb. Xilasedicilər cəmi 38 nəfəri xilas edə biliblər. Miqrantların əksəriyyəti Seneqaldan idi və onlar bir aydan çox idi ki, dənizdə idilər.

Seneqal Xarici İşlər Nazirliyinin məlumatına görə, miqrantlarla dolu qayıq iyulun 10-da ölkə sahillərini tərk edib və göyərtəsində 101 nəfər olub.

Qeyd edək ki, Cape Verde adaları Afrikanın qərb sahilindən 600 km məsafədə yerləşir. Miqrantlar tez-tez Avropaya getmək üçün bu yoldan istifadə edirlər.