Güclü külək və dolu nəticəsində Laqodexi bələdiyyəsinin 10 kəndində 100-dən çox evə ziyan dəyib

 Güclü külək və dolu Laqodexi bələdiyyəsinin kəndlərinə ziyan vurub.

InterPress.ge xəbər verir ki, məlumata görə, güclü tufan nəticəsində Laqodexi bələdiyyəsinin 10 kəndində ümumilikdə 100-dən çox evə ziyan dəyib.

Ağaclar sökülüb, evlərin damları uçub, üzüm bağlarının bir hissəsi dağıdılıb. Kabal kəndində güclü küləyin qopardığı ağac vətəndaşın üstünə aşıb. Xəsarət alan şəxs Laqodexi klinikasına yerləşdirilib.

Yerli özünüidarəetmə orqanlarından olan infrastruktur xidmətinin nümayəndələri zərərçəkmiş əhaliyə bildiriblər ki, fəlakətin nəticələrinin aradan qaldırılması üçün 3 ay vaxt lazımdır.