Şahmat məcburi fənn kimi ikinci sinif şagirdlərinə də öyrədiləcək

2023-2024-cü tədris ilindən dövlət ümumtəhsil müəssisələrində şahmat dərsləri birinci sinif şagirdləri ilə yanaşı, 2-ci sinif şagirdləri üçün də məcburi olacaq.

InterPress.ge xəbər verir ki, təhsil və elm nazirinin əmrinə əsasən, respublika üzrə dövlət ümumi təhsil müəssisələrində 2-ci sinif şagirdlərinə şahmat dərsi keçiriləcək.

Məlumat üçün bildirək ki, milli kurrikuluma əsasən, ilk dəfə olaraq 2022-2023-cü tədris ilində birinci sinif şagirdləri üçün icbari fənn kimi şahmatın öyrənilməsi mümkün olub. Müvafiq qərarı o vaxtkı nazir Mixeil Çxenkeli qəbul edib. 2023-2024-cü tədris ilində bu proqram genişləndiriləcək və şahmat 2-ci siniflərə icbari fənn kimi öyrədiləcək.