Hüquqi şəxslərin siyasi partiyalara ianə verməsi qadağan edilə bilər

Hüquqi şəxslərin siyasi partiyalara ianə verməsi qadağan edilə bilər.

InterPress.ge xəbər verir ki, müvafiq dəyişikliklər “Vətəndaşların siyasi birlikləri haqqında” qanuna daxil edilib.

Dəyişikliklərlə partiyanın il ərzində çəkdiyi xərclərin ümumi icazə verilən məbləğinin yuxarı həddi əvvəlki ilin ümumi daxili məhsulunun 0,05 faizindən 0,04 faizə endirilir.

Qanun layihəsinin təşəbbüskarları “Gürcü Arzusu”nun üzvləridir, onlar izah edirlər ki, qanun layihəsi qəbul olunarsa, Gürcüstan Venesiya Komissiyasının 2023-cü il iyunun 12-də dərc etdiyi “De-oliqarxizasiya haqqında” tövsiyəsini nəzərə alacaq. 

Onların sözlərinə görə, siyasi partiyalar bundan sonra hüquqi şəxslər tərəfindən maliyyələşdirilməyəcək və partiyanın il ərzində çəkdiyi xərclərin ümumi məbləği də azalacaq ki, bu da deputatların fikrincə, yalnız partiyalar arasında sağlam rəqabətin olmasını təmin edəcək və ədalətli seçki mühitinin saxlanması və onun gələcək inkişafı imkanlarını yaradacaq.