Aksizsiz tütün məmulatlarının saxlanması-daşıma-satılması ilə bağlı 25 fakt aşkar edilib

Gürcüstan Maliyyə Nazirliyinin İstintaq Xidmətinin əməkdaşları cari ilin noyabr ayında bütün Gürcüstan ərazisində həyata keçirdikləri əməliyyat-istintaq tədbirləri nəticəsində külli miqdarda aksizsiz siqaretlərin saxlama-daşıma-satışı ilə bağlı 25 fakt aşkar ediblər, nəticədə 24 nəfər təqsirləndirilən şəxs qismində cəlb edilib, onlardan 12 nəfər saxlanılıb.

InterPress.ge xəbər verir ki, məlumatı Gürcüstan Maliyyə Nazirliyinin İstintaq Xidməti yayıb.

Bildirilib ki, ümumi bazar dəyəri 150.000 laridən artıq olan 25.748 ədəd müxtəlif adlı rüsumsuz siqaretlər götürülüb.

İstintaq Gürcüstan Cinayət Məcəlləsinin 6 ildən 8 ilədək müddətə azadlıqdan məhrumetməni nəzərdə tutan 200-cü maddəsi ilə aparılır.